مايكل منير رئيس أقباط أمريكا وإيد علي إيد من أجل مصر
مايكل منير يسعى لضم ساويرس وباسيلي لمجلس أمناء منظمة "إيد على إيد"
نقطة نظام: مع مايكل منير
وضع الأقباط في مصر - الماضي والحاضر والمستقبل
المتنصرون الأقباط (تاني)
====================================
أظن مش محتاج أعلق، الكلام واضح أوي، بس عايز أقول كلمتين واقفين في زوري كالعادة:
1- السيد مايكل منير جاي يعمل إية في مصر؟؟ هوا مش أمريكاني ومرشح مش عارف اية في ولاية اية؟؟؟ مستر مايكل: روح بلدكم، إحنا مش عايزينك في مصر خالص، لو الحكومة المصرية دفعتلك أكتر من الأمريكان يبقي دفعوا في بضاعة فاسدة، ولو الأمريكان دفعولك كتير تبقي عميل، مش حصدق أي إحتمال تالت. مسلمون وأقباط مصرعايزين يودعوك في المطار.
2- اللي عايز يصدق مستر مايكل يالا بالسلامة معاة وهوا حيديلة الباسبور الأمريكاني. مصر مش عايزة متطرفين، كفاية النظام متطرف مع الكل. فالي عايز يتطرف يا يروح مع بن لادن يا يروح مع كوكو حبيب قلبي بالسلامة وميرجعش. محدش في مصر عبيط، واللي جابلة كام واحد أهبل موظفهم يضحكوا علي الغلابة بكرة ينكشف وينفضح ويبقي بكرة منده بقرشين، وأولهم المحظورين، ثانيهم أقباط المحجر، أسف المهجر، وثالثهم والأهم حكومة ونظام التعابين الي خربوا بيوتنا مفيش فرق بين مسلم ومسيحي.
3- مش عارف السيد/طارق حجي داير يلف علي المؤتمرات والمنظمات لية الأيام دي، خير الهم إجعلة خير، هوا بقي فاضي، والا إتوظف في المخابرات؟؟
4- وكمان مش عارف مالهم في بلوج المتنصرون الأقباط متلسوعين كدة، إشربوا كباية مية بملح واقعدوا في السرير 3 أيام حتبقوا كويسين بمشيئة الرب.
دي حاجة تقرف، إحنا ناقصينكم!!
هناك ١٣ تعليقًا:
أنا فعلا ما بقيتش عارف حاجه
أعتقد ان مصر مش محتاجه اي حاجه من بره
اللي مصر محتاجاه موجود جواها بس خايف يطلع
مصر مش محتاجه واحد زي مايكل منير
مصر محتاجه واحد عايش علي أرضها
شارب من مرها
أنا دخلت المدونه بتاعة المتنصرون
هما حرين في اللي بيكتبوه بس المهم أنهم ما يتعدوش علي حرية الاخرين وعلي معتقداتهم وعلي شخصياتهم
أعتقد أنهم مش قادرين يفصلوا مابين الحريه والتعدي علي الاخرين
أنا شفت في ال side bar صور أنا ما أقبلهاش لأنها تعدي علي شخصيي وجنسي
ومعتقدي
المدونه دي فيها نسبة عنصريه أنا ما شفتهاش من زمان
بس عموما الجمهور المستهدف من المدونه دي أصلا ناس فاهمه وعندها وعي وثقافه وصعب يتأثروا باللي موجود في المدونه دي
ما تشغلش بالك بيهم
أسف لاني ما علقتش علي النقاط التانيه اللي في التدوينه بس علشان التعليق عليها هايكون طويل جدا
تحياتي
انت زعلان من طارق حجي ليه بس؟ الراجل بجانب كونه رجل اعمال هو كمان مثقف ومفكر ومهتم بقضايا كثيرة، ومهتم بمشاكل بلده، وبيقدم تشخيصات وحلول مهمة.
الشارد، هوا عموما لازم كل واحد لو حيقول رأية يقولة بأدب، وميخبطش في ومواضيع بغرض التضليل واثارة الفتن واستعداء الأعداء أكثر، وإلا ميبقاش رأي حر، يبقي رأي مدفوع بأغراض.
الأستاذ/ محمد شدو .. أنا مبهاجمش محمد حجي لأفكار هوا قلها او لشخصة، بس أنا لقيت أسمة بيتكرر في حاجات مشبوهة كتيرة وكنت بسأل لية.
والله هتفتح النار على نفسك من اقباط المعبر دول انت مشوفتش عملوا ايه فى مدونه حدوته يا عينى فجروها له هههههههههههههه
بصي يا Appy، عيب أوي إحنا الشعب المصري نفضل مطنشين كل حاجة لحد ما الفاس ما تقع في الراس وكل الشعب مسلمين ومسيحين حيبكوا علي الي راح. الأقباط علي دماغي من فوق كلهم، وكلامهم يمشي في البلد زي كلام أي حد مصري تاني، بصراحة كدة مبحبش كلمة مسلمين وأقباط دي، كل واحد حر إنشاللة يعبد بقر، المهم تأثيرة إية في المجتمع وبيحب البلد والا لأ. إنما البتوع دول بتوع المهبط ليهم غرض دنيء ومش هممهم مسلمين ولا مسيحيين ولا اي حاجة في البلد، وداوشين دماغنا بقصص الأضطهاد اللي أنا عمري ما شوفته. إذا كان في بعض أقباط الداخل اللي منجرفين ورا بتوع المهبط يبقوا مش عارفين يحكموا صح علي الأمور... بيشبهوني بأحمد الجلبي لما باع العراق بالخيانة، وأهو دلوقتي في المزبلة ومحدش فاكرة، وكمان لبسوة 3 أو أربع قضايا نصب واحتيال.
نفسي الشعب دا يصحصح كدة للمصايب اللي بتتخططلوا من بتوع المهبط ويقابلهم بتوع المتأسلمين، وكل واحد عايز مصلحتوا، وكل واحد بيحركوا نفس الأهداف والمنظمات.
في خطوط غالبا لما بتكون متكهربة المفروض منتكلمش فيها ولا نسمع فيها حد
نعيشها
و احنا عايشين وزي الفل
أصدقائي فيهم كثير من المسحيين ومش حقول أخوة لأنها أكثر بكثير
بناكل و نشرب و نتعامل و أسرار
عمرنا مفكرنا في حاجة غلط ولا عمر طلعت مننا كلمة غلط
لان مفيش اي حاجة في قلبنا
يا ريت بلاد محاربة العنصرية مترملناش بذور من الي عندهم
يحربو في بلادهم و يزرعو عندنا
كدة احنا الي نقول لأ
مش احنا و بس
و أقباطنا
أقتصادنا واحد و بيتنا واحد
الي حيحرق البيت حيحرقنا أحنا الاثنين
والي حيبني حيسعدنا أحنا الاثنين
فكك بقي من مايكل و لا عبد الله
مش بالأسماء
بالفعل
و الحمد لله الموضوع مش متغطي اعلاميا بالي يفتح الخبر و ينشره وده في حد ذاته ذكاء أعلامي
يعني نادي فقي بير بتكم ولاحد حيساعدك ولا حد حيسمعك
و يتهيألي الأستاذ نجيب ساويرس عاقل و فاهم
و مش حيخلي نفسه اداة في ايد حد
خصوصا و اقتصاده في مصر و شغله الأكثر و ربحه مبني علي ايد ولادها
لما بيبيع الكارت ولا الخط مبيسألش ده متباع لمين
T3ban، زي ما بيقولوا " قلت فأوجزت" .... هوا دا الكلام.
بس يا تري في كام واحد حاسس بغير كدة؟؟ نجيب ساويرس وغيرة من المتأسلمين في الخفاء مش ظاهر بيلعبوا مع مين، إنما إحنا الشعب بنلعب مع نفسنا، مع بعضنا، ومش حنسمح لحد يلعب معانا بالكورة بتاعتنا ... "لو سمحت يا كابتن، دي حتتنا ومش عايزين حد تاني هنا، هات الكورة وإمشي" .... بس خلاص.
http://motnsrooncopts.blogspot.com/2008/04/blog-post_10.html
رد علي الموضوع اعلاه في التهجم والتطاول علي الشعب القبطي والمسيحي والمتنصريين ونشطاء اقباط المهجر
..........................
ممكن اعرف نجيب ساويرس من المتأسلمين في الخفاء ازاي بس علشان نعرف ؟؟؟؟
السلام عليكم ورحمتة الله وبركاتة
اخ مسلم اتكوي بنارهم
اخي الحبيب اقفل الموضوع ده متفتحش علي نفسك نار جهنم
دول بعدلوا مدونة حدودتة مصرية وشوهوا سمعتها والان بدأ الضرب فيك
روح شوف بيقولوا عنك ايه هناك
احنا قاعدين تنفرج علي البلاوي الي بعملوها هما وعملائهم المستنصريين دول
وللعلم هؤلاء الجدد النصاري اشد كرها للاسلام والمسلمين منهم الف مره وقمة في التطرف واستطيع ان اقول انهم من يحرضوهم ويهاجمون ديننا العظيم
عسل عسل واللة يا ولاد التفاكشي باشا ....... ههههههههههههاااااا نكت واللة.
النهاردة كنت الصبح بكلم صديقة وزميلة مسيحية علي التليفون، وحقيقي اعدنا نضحك علي الهبل وانا بقرالها الكلام الجميل في التعليقات. مش قادر أوقف ضحك واللة.
جملة واحدة قلتهالي: يابني إحنا المسيحيين مبنتكلمش كدة خالص، هوا إنت مش عايش معانا والا إية، دول محدش سمع عنهم اصلا وياخدوا بالجزم لو سمعناهم. سيباك سيباك، دول اصلا عالم ضاربة بانجو زيادة شوية.
ههههههههههههاااااا واللة عسل التعليقات المعوقة دي.
الأخ الغير معروف
هوا إية إلي بهدلوا مدونة حدوتة مصرية ومفتحش علي نفسي باب جهنم؟؟ إية يا عم الكلام دا؟ يعني أستخبي تحت السرير ومظهرش الأيام دي؟
إرسال تعليق