لأ بجد دا إلي يتقالوا زي معلقين الكوره ما بيقولوا ........ وجون وجون وجون وجووووون
من صحيفة المصريون: جبهة علماء الأزهر: النظام الذي يهدر حقوق الإنسان لا شرعية له
طب بصوا نص البيان علي موقع جبهة علماء الأزهر: العمل بقانون الطواريء حكم بغير ما أنزل الله
حقيقي البيان لازم يتقري حته حته لأنه مش بس عن نقد قانون الطواريء (أم طارق علي رأي Appy)..... دا جايب من الأخر خالص في كل حاجه في البلد.
حلوه أوي أخر حته في البيان: "وقد أخرج الشيخان عن معقل بن يسار قال : سمعت رسول الله صلى الله عليه وسلم يقول" ما من عبد يسترعيه الله رعية يموت يوم يموت وهو غاش لرعيته إلا حرم الله عليه الجنة" ...... يا خيبتك يالي في بالي.
والا دي: " لقد أضحت القوانين فينا غايتها هي الصد عن سبيل الله وعن الصلاة، وأضحت مصر بسدنة تلك القوانين طللا ترحَّل عنه أهله ، ومريضا فرَّط فيه أُساتُه، وذبيحة استحل لحمها النهازون ، النهاسون، والناهشون، النخاسون، الذين استباحوا ان يحكموها بقوانين لايقبل الله أن تعامل بها الحيوانات المستأنسة أو الحيوانات المستوحشة. فإن لتلك الحيوانات حقوقا لا يطمع فيها المحكومون بالأحكام العرفية أحكام الطوارئ الماحقة."
طبعا كله طناش ولا كأن حد قال حاجه، بيتكلموا عن بلد تانيه.
من صحيفة المصريون: جبهة علماء الأزهر: النظام الذي يهدر حقوق الإنسان لا شرعية له
طب بصوا نص البيان علي موقع جبهة علماء الأزهر: العمل بقانون الطواريء حكم بغير ما أنزل الله
حقيقي البيان لازم يتقري حته حته لأنه مش بس عن نقد قانون الطواريء (أم طارق علي رأي Appy)..... دا جايب من الأخر خالص في كل حاجه في البلد.
حلوه أوي أخر حته في البيان: "وقد أخرج الشيخان عن معقل بن يسار قال : سمعت رسول الله صلى الله عليه وسلم يقول" ما من عبد يسترعيه الله رعية يموت يوم يموت وهو غاش لرعيته إلا حرم الله عليه الجنة" ...... يا خيبتك يالي في بالي.
والا دي: " لقد أضحت القوانين فينا غايتها هي الصد عن سبيل الله وعن الصلاة، وأضحت مصر بسدنة تلك القوانين طللا ترحَّل عنه أهله ، ومريضا فرَّط فيه أُساتُه، وذبيحة استحل لحمها النهازون ، النهاسون، والناهشون، النخاسون، الذين استباحوا ان يحكموها بقوانين لايقبل الله أن تعامل بها الحيوانات المستأنسة أو الحيوانات المستوحشة. فإن لتلك الحيوانات حقوقا لا يطمع فيها المحكومون بالأحكام العرفية أحكام الطوارئ الماحقة."
طبعا كله طناش ولا كأن حد قال حاجه، بيتكلموا عن بلد تانيه.
ملحوظة:
انا عملت بانرين بيعبروا عن رفضي لأتحاد المدونين المصريين وإخترت واحد لنفسي أحطه علي السايد بار، لو حد عايز يختار منهم ويحطه عنده يتفضل.
بانر تالت:
هناك ٢٤ تعليقًا:
برافو عليهم. كده الازهر - في هذا البيان - بيتحرك بروح وعقل الاسلام الحقيقي.
في الجون طبعا بس على اخر معلوماتى على مانا فاكرة ان الجون كان من زمان انعدم :(
مدونة حضرتك جميلة اول زيارة ليا لكن اكيد ان شاء الله لن تكون الاخيرة
ربنا يوفقك ودمت بخير
السلام عليكم
فعلا بيان في الجووووووووووووون
الضاكتور خالد برضه جابه وقايل كلام تمام ادخل عنده راجل ازهري ما شاء الله عليه بدعوك لزيارته
تحياتي وعقبال الاجوان الجاية والازهر يفضل منارة على طول
محمد شدو
أول مره أشوفهم بيقولوا الحق كده، وبجراءه علنيه، لدرجه إني لسه شاكك يكون في حاجه غلط في البيان.
مدونتك أو مدوناتك جميله وحاتابعها إنشاءالله.
تحياتي
خديجة عبد الله
أه طبعا دول شالوا الجون والشبكه من زمان، بس مش عارف كده دول جابولهم جون منين؟ :)
أنا كمان زرت مدونتك الجميله وحتابعها إنشاءالله.
nonoymm
أتمني يكون في أجوان تانيه كتيره، لأن أجوان الأزهر بالذات إتأخرت أوي.
بس برضه قلقان مش عارف ليه... حاسس إن البيان وراه حاجه.... إحساس، يمكن علشان متعودناش علي الصراحه العلنيه دي؟ يا رب إحساسي يطلع غلط، ودي تبقي صحوه من ناس مهمتهم تقوم الحاكم، علي ما أعرف دول جزء من أهل الحل والعقد، ودي وظيفتهم.
حتابع مدونة الضاكتور خالد إنشاءالله طالما زكيتيها كده.
تحياتي ليكي.
فعلا الأزهر وعلماؤه لازم يبقى ليهم دور في اللي بيحصل في البلد
بالنسبة لموضوع اتحاد المدونين انا اقتنعت بوجهة نظرك خصوصا لما قريت تفاصيل ما كنتش اعرفها يعني انا مثلا بانتقد حسني مبارك وباتكلم عليه زي ما انا عايز في مدونتي يبقى ساعاتها انا مخالف لقوانين الاتحاد اللي اتحط على مزاج المؤسسين، الكلام مطاط وعايم وعامل زي القانون المصري
تحياتي
بيان رائع حسسني ان فيه امل طالما لسه فيه عالم بيقول كلمة حق
بس عندي سؤال هي جبهة العلماء دي تبع الازهر و دي تبقي حاجة مش طبيعية
و لا جبهة مستقلة من مجموعة من علماء الازهر و كده يبقي البيان منطقي
تحياتي لك علي الخب رالجميل ده و ان شاء الله تواصل دائم
السلام عليكم ورحمة الله وبركاته
بجد بجد يعني مش مصدقه عنيا ، هو البلد دي والازهر كمان لسه فيهم حد يقدر يقول للغوله يا غولة عينك حمرا
ربنا يبارك لهم ويارب اللي بالي بالك يتعظ ويحاول يترضي الرعيه قبل ما يقابل وجه كريم
بالنسبه لاتحاد المدونين اياه تصور فوجئت انهارده بيهم بيقولولي اني من الاعضاء واني ازاي مش حاطه البانر بتاعهم وكمان لازم ادخل عندهم عشان مصلحتي وعشان هما قادرين علي حمايتي
ومش عارفه كل ده حصل امتي الناس دي شكلها كده بدات تهيس
سلام
كريم عاطف
أهلا بيك.
بالنسبه لإتحاد المدونين فمحدش عارف عايزين إيه بالظبط. الطبيعي إن كل واحد لازم يقع تحت طائلة القانون مفيش شك، بس مش الواحد يقول رأيه يبقي بيحرض علي قلب نظام الحكم والهجايص دي.... إنما في قواعد معروفه، زي إن الواحد ميفشيش أسرار عسكريه أو يشتم من غير دليل وهكذا
مش محتاجين حد يعرفنا حقوقنا وواجباتنا وخصوصا إن الموضوع معقد: إفرض واحد مصري عايش في أمريكا، حيطبقوا عليه قانون مين بالظبط؟
تحياتي
أم أحمد المصريه
دايما منوراني في مدونتي.
من متابعتي لأخبار جبهة علماء الأزهر، أظن إنها جبهه مستقله من علماء الأزهر، بس مش متأكد، ممكن حد من أخوه العارفين يفتينا في هذا الموضوع.
وعندك حق، لو الأزهر نفسه يبقي مش طبيعي ولو جهه مستقله تبقي العمليه منطقيه.... متغاظ من شيخ الأزهر والمفتي المفروض إنهم يقولوا الحق ولو حيتقتلوا، أمال علم ديني إلي إتعلموه دا إيه؟؟
تحياتي
خمسه فضفضه
شوفت تدوينتك النهارده عن إتحاد المدونين ولسه فاتح عليها علشان أعلق لما شوفت تعليقك هنا.
زي ما أم أحمد نبهتني، هما إحتمال كبير أوي يكونوا جبهه مستقله مكونه من علماء الأزهر .... بعض العلماء إلي لسه عندهم نخوه وشجاعه في قولة الحق من غير خوف.
لاااااااا بجد ايه ده الازهر لااااااا النبى مش مصدقه دا انا اخدت العزاء فيه من بدري طيب ايدي على قلبي مش عارفه ليه برضه بس يمكن حد بدا يفوق
وبعدين ام طارق دي ست ذوووووووق قوي محدش يغلط فيها ولا شكلك هتسلمني انت كمان هههههه هتبقي انت واسلام وام طارق ما اول واحده اتخبطت فيه غى الكمين انا عاااااااااااا
انا عامله بانر عندي برضه واخداه من عندك وسيبك منهم هيقعوا بدري
ألف شكر ليك
أخيراً خبر يفرح شوية
الدين هوأكبر دافع للشعب دا .. بس الجبهة دي مش رسمية وهناقي عبده طنطاوي يكفرهم بكره
بس لسة في أمل والدين حي في القلوب
ربنا يقدرهم وينشروا دعواهم
وجهة نظرى ,, تحياتى
أسعدنى موضوعك ولكن هناك الكثير من التساؤلات التى ينبغى طرحها, وعدم الإكتفاء بالتصفيق والتهليل لهذا البيان , والذى رغم يقينى أنه لن يقدم ولن يؤخر إلا أنه يثير الكثير من التساؤلات والأوجاع أيضا,,,
1_ مايسمى بجبهة علمــاء الأزهر ليس هو الأزهر ذاته,, وهذه الجبهة كانت بمثابة جمعية أهلية او ماشابه ذلك ..
2_ تم (إشهار) هذه الجبهة برقم (565)لسنة 1967 بمديرية الشئون الإجتماعية بوسط القاهرة ,, فى حين أنها (مسجلة) بوزارة الشئون الإجتماعية برقم636ويشير موقع الجبهة أنها تأسست كما يقول موقعهم الرسمى سنة1946م...ومعنى ذلك أنها لم تشهر الا بعد 21 عاما من تأسيسها,,,
3_برز اسم الجبهة بشدة فى التسعينيات من القرن العشرين وذلك فى فترة عصيبة شهدتها مصر كانت فيها العمليات الارهابية تتكرر بشكل شبه يومى , مع متغيرات دولية أيضا , وشهدت القاهرة فى عام1995 مؤتمر السكان لذى أثير حوله الكثير والكثير وكان الناس منتظرين رد فعل رجال الأزهر مما يحدث ,, فانقسم رد الأزهر بين مفتى الديار وقتها الشيخ سيد طنطاوى والشيخ جاد الحق شيخ الأزهر السابق وكانت جبهة علماء الأزهر تميل الى جاد الحق أكثر من مفتى الديار المصرية شيد طنطاوى,,,
4_كان أشهر وجوه هذه الجبهة هو الدكتور يحيى إسماعيل حبلوش _الأمين العام المساعد للجبهة وقتها (كان نجم الشباك الاعلامى ) لها فى فترةالتسعينيات وقد دخل فى معارك فكرية كثيرة على صفحات الجرائد وقتها,, وهو حاليا فى الكويت هارب من حكم قضائى بالحبس سنة بسبب سب شيخ الأزهر على صفحات الجرائد,, وهو الذى يخرج بيانات هذه الجبهة المزعومة وذلك كونه أكثر المدافعين عن بقائها وقد أسس لها موقعا الكترونيا بشبكة الانترنت www.jabhaonline.org يديره من الكويت ,,
5_لماذا لم تتحدث جبهتنا العظيمة عن حرمانية جعل مطارات دولة الكويت قواعد عسكرية للأمريكان تستخدمها لضرب العراق وتهديد إيران ,,
الإجابة معلومة بالطبع لأن الكويت تأوى الدكتور وتوفر له مصدرالرزق والحياة الطيبة...فالهجوم على مصر من الكويت أسهل من الهجوم على الكويت ذاتها!!!!
6_هناك شبهة تدليس فى الأمــر حيث أن الدكتور العجمى الذى صدر البيان باسمه ينفى أن الجبهة مازالت موجودة ,,وهو مازال بمصر وليس فى الخارج كالدكتور حبلوش,,إذن فمن يصدر البيان شخصا وليس (الجبهة)التى تم حلها..
7_هل هناك كيان مادى ملموس لهذه الجبهةالآن ؟! وماهو دورها وماذا تفعل تحديدا ؟؟
8_كيف هى جمعية مصرية أهلية وتدار بالانترنت من بلد آخر؟؟
9_هناك حكم قضائى بالغاء هذه الجمعية صدر سنة 1999م تم الحصول عليه بسعى من شيخ الزهر الشيخ طنطاوى وذلك لتضارب الفتاوى والآراء بينه وبين الجبهة من ناحية وثانيا لكون الجبهة أصبحت كيانا اعلاميا آخذ فى النمو مما يشكل تهديدا لمؤسسة الأزهر ذاته,, وكذلك لكون الجبهة تمثل بشكل أو بآخر الجانب المتشدد فى الفتاوى فى ووقت كانت مصر فيه مهددة بخطر التطرف والارهاب...
7_السؤال الطبيعى هنا من الذى أصدر هذا البيان ؟؟!!
تحياتى ,,,
Appy
أنا شخصيا حاعترف عليكي من قبل أول قلم حتي :) .... أه العمر مش بعزقه، والبسله والبطاطس محتاجيني هنا :)
بالنسبه للبيان، هما مش ممثلين للأزهر، إنما هما مجموعه من العلماء الأزهريين، مأتخيلش شيخ الأزهر يقول بيان زي ده.
أنا من كنت محتاجا
أنا ببص للموضوع علي إنه قولة حق أكتر من موضوع دين. زي ما إنت قلت الدين دافع قوي للناس في مصر، وكمان الدين موجود في قلب كل مصري، بس إلي فعلا محتاجينه قولة الحق بدون خوف، كفايه بقي وضعنا بقي سيىء جدا من تخبية كل حاجه.
شكرا علي مشاركتك برأيك.
عمرو (مواطن مصري)
طبعا البيان مش حيقدم ولا حيأخر ومات علي كده، زيه زي كل حاجه بنقولها في مدوناتنا، أهو كتابه وخلاص، ومافيش حاجه إتغيرت. ...... تفتكر صحيح البيان مش حيغير حاجه؟؟ تفتكر مدوناتنا مالهاش لازمه وكتابه وبس؟ لأ ليها لازمه، مش للناس الكبار، للجيل الجديد كله إلي بيدخل علي الإنترنت، كله بقي عنده إحساس مختلف، وفكر مختلف، وناس كتير بقي عندها مدونات وناس كتير بقت تطالع المدونات وتقول رأيها ... في روح جديده، حتاخد وقت بس مش كتير. المهم إن الروح دي يبقي غرضها تحسين البلد. نفس الكلام بالنسبه للبيان، رأي مع رأي، وصوت مع صوت حيقدم ويأخر ويغير كمان.
أسف طولت في النقطه دي.
شكرا لمعلوماتك عن الجبهه، أنا مأعرفش عنهم حاجه بس:
- حبلوش ده أسمه مش موجود في الموقع خالص، الأمين المساعد: د. يحيي إسماعيل، الأمين العام د. سعيد أبو الفتوح، ورئيس الجبهه د. العجمي دمنهوري خليفه .... بس ما علينا، ممكن يكون كلامك صح أنه كان الأمين المساعد في فتره سابقه، علي مسئوليتك إنت أدري.
- إحنا مالنا ومال الكويت في الموضوع دا، ما تولع الكويت، هو الأزهر دا في الكويت؟ وبعدين ما محدش نقد الكويت والا قطر والا السعوديه قبل كده. علي فكره دي مش قولتك لوحدك، دايما يقولك دا إحنا الديموقراطيه عندنا أحسن من دول تانيه في المنطقه .... ما طز في المنطقه، هما معندهومش ديموقراطيه وإحنا كمان، خلينا في نفسنا الأول. زي ما يقولك إحنا دخل الفرد عندنا أعلي من الصومال.... يا سلام، الصومال مش لاقيين ياكلوا، بس إحنا بناكل حمير ميته... تقدم.
- إنت جبت منين نفي البيان؟
- ولا أعرف ليهم كيان ملموس والا لأ، ولا أعرف عنهم حاجه أصلا.
- شيخ الأزهر سعي لحل الجبهه دي علشان تضارب الفتاوي والا علشان بيحرجوه؟ طب مسعاش ليه يوقف سيل الفتاوي في الفضائيات؟
- بص، بيني وبينك أنا ولا يهمني مين إلي أصدر البيان، إنشالله يا رب يكون كارلوس الإرهابي، المهم بالنسبالي إن البيان بيتكلم مظبوط وكل كلمه فيه مظبوطه وعلي حق. يعني لو كانت دي تدوينه في مدونه علي النت مش كنا صقفنالها بردوا؟
تحياتي ليك.
وجهة نظرى
يبدو إنك قريت تعليقى بسرعة فموصلتش لمقصدى بالبظبط,,
عموما,,,
1_إنت خلطت بين البيان والمدونات مع إختلاف المقاصد والتوجهات,, احنا فى مدوناتنا مش بناخد فلوس ولا مقابل يمكن نكون بنأثر آه من بعيد لبعيد ,, بس أهو بنعمل اللى علينا,, إنما ياباشا قرفت من مشايخنا اللى بيحبوا يتدبروا فى ملكوت الله داخل جناين قصورهم (حاجة تقرف),,,
2_حبلوش هو نفسه الدكتور يحيى اسماعيل حبلوش وده اسمه الثلاثى (وأنا كاتب اسمه الثلاثى فى البند رقم 4 بس انت ماقريتش بتركيز وماخدتش بالك)
وهو الأمين العام المساعد للجبهة من يوم ماصوتهم طلع زى ما أشرت فى تعليقى السابق ,,
3_النقطة بتاع الكويت دى انت فهمتنى غلط خااااالص وده تسرع منك يا برنس,,أنا لا قارنت بين الديمقراطية المزعومة عندنا ولا ده فى دماغى أصلا ولا بحب الكلام اللى من النوعية دى,,
ركز فى اللى أنا قلته هتلاقى كلامى عن أصحاب البيان وليس عن الكويت أو قطر أو (الصومال),,,
وأصحاب البيان علشان يبقوا صادقين يبقى مايمشوش على سطر مصر اللى هربانين منها ويسيبوا سطر الكويت اللى هربانين فيها وخصوصا ياباشا إنهم اتكلموا باسم الاسلام , والاسلام بيتهيألى هناك برضه ,,
بس سيبك انت فلوسهم حلوة تكفى لغض النظر عن أى شىء,,(ركــز فى كلامى)
4_أنا ماذكرتش نفى البيان _انا قلت ان الدكتور العجمى آخر رئيس للجبهة نفى أى وجود ليها حاليا بعد فضها بحكم قضائى,, وبالتالى نفى وجودها يعنى نفى أى فعل ليها...
وده من خلال أحاديث على فترات متباعدة ليه ,,
5_شيخ الأزهر سعى لحل الجبهة علشان تضارب الفتاوى بينهم وبينه ,,وأتوماتيك طبعا ده بيسبب له إحراج,, وأنا مش بدافع عنه أساسا أنا ذكرت ماهو كائن ,,
وبرضه هو بيهاجم فتاوى الفضائيات ,, وعامة مش هتفرق فى حاجة ,, لأن العملية سبوبة سواء شيخ أزهر أو الجبهة,,,
6_لا ياباشا جزئية مش هتفرق معاك مين أصدرها دى مش مظبوطة حبتين ,, يعنى سيادتك لو طلع لك الصبح جبهة حاخامات إسرائيل قالوا كلام مشابه , هتقولهم وماله مادام كلامكو صح!!!
ماينفعشى ده خاااالص!!!
7_اللى اتقال فى المدونات أقوى بكتير من بيان الجبهة ,,,
تحياتى ,,, واقرى على مهلك خصوصا فى المواضيع الحساسة,,
تحياتي
هو طبعا لا أحد يوافق علي قانون الطواريء...و لا المحاكم العسكرية
مع انني لا انتمي الي مجموعة او حزب .
الا ان لا يصح الا الصحيح.
نسأل الله ان يصلح أحوالنا..و ان يوفقنا الي ما يحب و يرضي.
تحياتي و تقديري
أنا رجعت
الازهر
بيتي
حامي حمي العقيده
وأصل الثورات ومنبعها
اذا غاب قليلا فلم يموت
ولن يموت
علمائنا بجد رفعوا راسي
مفيش حد في الدنيا كلها فرحان بالبيان ده قدي
للأسف مش عارف حاجه عن موضوع اتحاد المدونات المصريه
علشان كده مش هاعرف أتكلم عنه
تحياتي
عمرو
أنا أسف، انا قلت رأيي، ومش مهم هيا مين الجمعيه علي قد ما البيان نفسه صحيح وحتي مش متشدد. لو في إهتراض علي البيان نفسه قوله.
الربان
آمين يا رب. وشكرا علي تعليقك.
تحياتي ليك
alshared
ليك وحشه بجد، بس أنا كنت مستني لما تخلص إمتحاناتك. إنشاءالله تكون عملت كويس ويا رب إنشاءالله ناجح دايما.
إرسال تعليق