الخبرين دول قريتهم في المصري اليوم: إعتصام 400 عامل نسيج للمطالبة بمكافاة رفض الإضراب وتصريحات السيدة الوزيرة ، والخبر التاني عن إعتراض لاعبي الزمالك علي مكافأة التأهل لدور الـ 16 في دوري رابطة الأبطال الأفريقية
أولا- وزيرة القوي العاملة والهجرة - (مش عارف إية العلاقة بين العمال والهجرة إلا لو كانت النية يهجروا كل العمال) - السيدة/عائشة عبد الهادي المعروفة بإسم الحاجة/عيشة، بررت تمييزها لعمال النسيج في المحلة بصرف مكافأة شهر وباقي عمال النسيج في مصر 15 يوم فقط، بأن عمال المحلة كانوا مستهدفين بدعوي تحريضية للإضراب ولم يستجيبوا. الخبر عادي خالص ولكن يحمل في طياتة كارثة كبري، ولو إحنا في بلد الوزراء فية بيحترموا نفسهم كانت يا إستقالت يا رئيس الوزراء رماها من الشباك. لية بقي:
1- هيا هنا بتتهم العمال بخيانة مباديء الإضراب إلي شارك فية أهالي المحلة، سواء كان إضراب إيجابي أو إضراب غوغاء، وبقي منظرهم إنهم قبضوا تمن الخيانة، طب حيودوا وشهم فين من ناسهم واهلهم وستاتهم وعيالهم؟
2- دي دعوي صريحة إن كل واحد يعمل إضراب وبعدين ميشتركوش فية ويستنوا شهر مكافأة وتبقي البلد بقت عاملة زي مسلسلات الكوميديا.
3- كل عمال الغزل حيسالوا إشمعني بتوع المحلة، طب إحنا كمان حنعمل إضراب نطالب بحقوقنا بقي طالما الموضوع كدة، بدليل إضراب 400 عامل من مصنع تاني علشان الـ 15 يوم الي فاضلين، وقالوا إنهم مستعدين للإضراب إذا كان دا السبيل للحصول علي حقوقهم (بقت حقوقهم خلاص).
4- الرئيس مبارك أصدر أوامر بتلبية مطالب العاملين، وتوجيهات الرئيس مبارك برفع المعاناه عن محدودي الدخل ..... مش مكسوفة وهيا بتقول الكلام دا بالذمة؟؟ ما حكاية أوامر وتوجيهات الرئيس دي إنتقدت بدل المرة ألف، يعني إنتوا مبتعرفوش تتحركوا غير بتوجيهات؟ أمال رئيس الوزراء دا محطوط يفرس الشعب بس؟ وباقي الوزراء مبيروحوش الحمام من غير توجيهات الرئيس؟
5- لفتت إلي أن تهديدات عمال باقي القطاعات بالإعتصام غير مبررة، لأن ظروف العمال من قطاع لأخر مختلفة وعمال النسيج هم الأقل دخلا في مصر .... رصاصتين رحمة للحاجة عيشة والنبي..... بقي يا حاجة عارفة إن عمال النسيج الأقل دخلا في مصر وساكتة كل دا لحد ما الوضع إنفجر؟؟ كنتي مستنية توجيهات الرئيس علشان تحليها؟ طب عارفة إية كمان ومخبياااااااة؟؟ قولي وأنا مش حقول لحد.
أنا أقترح يوقفوا الحاجة عيشة أدام مكن الغزل ويدوها 400 جنية في الشهر (مع شهر مكافأة برضوا) عقابا لها علي هذة التصريحات.
ثانيا - بشوات الزمالك معترضين علي صرف 6500 جنية (لكل واحد مش للفريق كلة) مكافأة فوز لماتشين تلاتة ..... والا أربعة.
1- إلي مش واخد بالة، الخبر دا لية علاقة وثيقة بالخبر السابق. كلة بيعترض، تديلة 15 يوم تديلة شهر تديلة 6500 جنية، إعتراض، الفكرة حلوة وبتجيب نتيجة الظاهر.
2- مع إحترامي لمحترفي كرة القدم، ومع إستمتاعي بكاس الأمم الأفريقية الماضي...... في بلد زي مصر هل معقول لاعبيين لعبوا شوية ماتشات ومساهمتهم المباشرة في تنمية الإقتصاد والدخل القومي تكاد تكون معدومة، تلاقي مرتباتهم أو مكافاتهم أو أي حاجة تقترب من الملايين وناس بردوا شغالة (بإفتراض إنهم شغالين بذمة) و (المفروض برضوا يكون مساهمتهم في تنمية الإقتصاد والدخل القومي عالية) ومرتباتهم تقترب من الملاليم؟ يعني حتة مكافاة للاعب واحد بس في فريق علي وصول الفريق لدور واحد بس (وبالعافية) = 16 شهر مرتب عامل في المحلة!!
3- إستكمالا للنقطة رقم 2، هل صحيح ليس هناك حل سهل لتشوهات الأجور في مصر؟ بجد الكلام دا؟ لو قلتوا صحيح يبقي روحوا بجد وهاتوا حد بيفهم يحلها، بس حد عايز يفكر مش يستني رئيس الجمهورية يفكرلة.
5- في القطاع خاص، والعمال هناك مبيشتكوش أوي، لو الأجور بالألوف كل شهر هما حرين، بيدفعوا من جيوبهم.... إنما لما تلاقي موظفين في الحكومة مبيعرفوش أصلا هما شغالين فين وتلاقيها بالألاف (20 و 30 وساعات بتعدي المية والمتين ألف) بينما الشركات دي خسرانة وإحنا إلي بندفع ضرايب بتمول الكلام دا، وفي الأخر تلاقي الوزيرة عندها خبر إن العمال اجورهم ضعيفة وساكتة هيا وغيرها، يبقي دا كلام فارغ ولازم حساب سريع. لما تلاقي نوادي عامة بتغرف من الميزانية ملايين والناس جعانة ومرتباتها يدوبك تركبها مواصلات للشغل رايح جاي بس، يبقي إلي مش واخد بالة يلبس نضارة ويقعد في البيت بالجلبية يأور كوسة.
4- يا تري يا هل تري حايجي يوم نلاقي السيدة الوزيرة بتحاور لاعبي كرة القدم لفض إعتصامهم إعتراضا علي صرف مليون جنية فقط لكل لاعب مكافأة فوز؟
أولا- وزيرة القوي العاملة والهجرة - (مش عارف إية العلاقة بين العمال والهجرة إلا لو كانت النية يهجروا كل العمال) - السيدة/عائشة عبد الهادي المعروفة بإسم الحاجة/عيشة، بررت تمييزها لعمال النسيج في المحلة بصرف مكافأة شهر وباقي عمال النسيج في مصر 15 يوم فقط، بأن عمال المحلة كانوا مستهدفين بدعوي تحريضية للإضراب ولم يستجيبوا. الخبر عادي خالص ولكن يحمل في طياتة كارثة كبري، ولو إحنا في بلد الوزراء فية بيحترموا نفسهم كانت يا إستقالت يا رئيس الوزراء رماها من الشباك. لية بقي:
1- هيا هنا بتتهم العمال بخيانة مباديء الإضراب إلي شارك فية أهالي المحلة، سواء كان إضراب إيجابي أو إضراب غوغاء، وبقي منظرهم إنهم قبضوا تمن الخيانة، طب حيودوا وشهم فين من ناسهم واهلهم وستاتهم وعيالهم؟
2- دي دعوي صريحة إن كل واحد يعمل إضراب وبعدين ميشتركوش فية ويستنوا شهر مكافأة وتبقي البلد بقت عاملة زي مسلسلات الكوميديا.
3- كل عمال الغزل حيسالوا إشمعني بتوع المحلة، طب إحنا كمان حنعمل إضراب نطالب بحقوقنا بقي طالما الموضوع كدة، بدليل إضراب 400 عامل من مصنع تاني علشان الـ 15 يوم الي فاضلين، وقالوا إنهم مستعدين للإضراب إذا كان دا السبيل للحصول علي حقوقهم (بقت حقوقهم خلاص).
4- الرئيس مبارك أصدر أوامر بتلبية مطالب العاملين، وتوجيهات الرئيس مبارك برفع المعاناه عن محدودي الدخل ..... مش مكسوفة وهيا بتقول الكلام دا بالذمة؟؟ ما حكاية أوامر وتوجيهات الرئيس دي إنتقدت بدل المرة ألف، يعني إنتوا مبتعرفوش تتحركوا غير بتوجيهات؟ أمال رئيس الوزراء دا محطوط يفرس الشعب بس؟ وباقي الوزراء مبيروحوش الحمام من غير توجيهات الرئيس؟
5- لفتت إلي أن تهديدات عمال باقي القطاعات بالإعتصام غير مبررة، لأن ظروف العمال من قطاع لأخر مختلفة وعمال النسيج هم الأقل دخلا في مصر .... رصاصتين رحمة للحاجة عيشة والنبي..... بقي يا حاجة عارفة إن عمال النسيج الأقل دخلا في مصر وساكتة كل دا لحد ما الوضع إنفجر؟؟ كنتي مستنية توجيهات الرئيس علشان تحليها؟ طب عارفة إية كمان ومخبياااااااة؟؟ قولي وأنا مش حقول لحد.
أنا أقترح يوقفوا الحاجة عيشة أدام مكن الغزل ويدوها 400 جنية في الشهر (مع شهر مكافأة برضوا) عقابا لها علي هذة التصريحات.
ثانيا - بشوات الزمالك معترضين علي صرف 6500 جنية (لكل واحد مش للفريق كلة) مكافأة فوز لماتشين تلاتة ..... والا أربعة.
1- إلي مش واخد بالة، الخبر دا لية علاقة وثيقة بالخبر السابق. كلة بيعترض، تديلة 15 يوم تديلة شهر تديلة 6500 جنية، إعتراض، الفكرة حلوة وبتجيب نتيجة الظاهر.
2- مع إحترامي لمحترفي كرة القدم، ومع إستمتاعي بكاس الأمم الأفريقية الماضي...... في بلد زي مصر هل معقول لاعبيين لعبوا شوية ماتشات ومساهمتهم المباشرة في تنمية الإقتصاد والدخل القومي تكاد تكون معدومة، تلاقي مرتباتهم أو مكافاتهم أو أي حاجة تقترب من الملايين وناس بردوا شغالة (بإفتراض إنهم شغالين بذمة) و (المفروض برضوا يكون مساهمتهم في تنمية الإقتصاد والدخل القومي عالية) ومرتباتهم تقترب من الملاليم؟ يعني حتة مكافاة للاعب واحد بس في فريق علي وصول الفريق لدور واحد بس (وبالعافية) = 16 شهر مرتب عامل في المحلة!!
3- إستكمالا للنقطة رقم 2، هل صحيح ليس هناك حل سهل لتشوهات الأجور في مصر؟ بجد الكلام دا؟ لو قلتوا صحيح يبقي روحوا بجد وهاتوا حد بيفهم يحلها، بس حد عايز يفكر مش يستني رئيس الجمهورية يفكرلة.
5- في القطاع خاص، والعمال هناك مبيشتكوش أوي، لو الأجور بالألوف كل شهر هما حرين، بيدفعوا من جيوبهم.... إنما لما تلاقي موظفين في الحكومة مبيعرفوش أصلا هما شغالين فين وتلاقيها بالألاف (20 و 30 وساعات بتعدي المية والمتين ألف) بينما الشركات دي خسرانة وإحنا إلي بندفع ضرايب بتمول الكلام دا، وفي الأخر تلاقي الوزيرة عندها خبر إن العمال اجورهم ضعيفة وساكتة هيا وغيرها، يبقي دا كلام فارغ ولازم حساب سريع. لما تلاقي نوادي عامة بتغرف من الميزانية ملايين والناس جعانة ومرتباتها يدوبك تركبها مواصلات للشغل رايح جاي بس، يبقي إلي مش واخد بالة يلبس نضارة ويقعد في البيت بالجلبية يأور كوسة.
4- يا تري يا هل تري حايجي يوم نلاقي السيدة الوزيرة بتحاور لاعبي كرة القدم لفض إعتصامهم إعتراضا علي صرف مليون جنية فقط لكل لاعب مكافأة فوز؟
هناك ٨ تعليقات:
ماهى المشكلة انهم عارفين ان المرتبات تكاد لا ترى بالعين المجرده تحط المرتب فى ايدك اليمين فى ثانية يدوب فى ايد محصل الكهربا اهو برضه بيرجع للحكومة
المشكلة الاكبر انك تلاقى خريج هندسة مشغلينه محاسب
وخريج تجارة معينينه قارئ عدادات وخريج دبلوم صنايع مدير للاتنين يبقى الناس هتشتغل وتتقن عمالها وهى مش بتشتغل فى تخصصها ازااااااى ؟؟؟ انا عايزة بقى الست حكومة تجاوبنى على السؤال ده
اما الحاجه عيشة فهى خرجة اعدادية بلا فخر .... طيب الست الوزيرة خريجة الاعدادية هتجيب ثقافة منين تأهلها للتفكير والعمل ما هى لازم تستنى توجيهات السيد الرئيس
اما بقى بالنسبة لمشكلة الزمالك فما الاقيش عندك واسطة حد يكتشفنى ده انا بلعب كورة شراب زى الفل
لأ عندي واسطة تشتغلي بدل الحاجة عيشة لأنهم حينقلوها قدام المكن تاني :)
يا شيخة دي حاجة تقرف، هيا الحكومة بتجرب في المصريين؟ في أزمة أغذية وأسعار عالمية محدش إعترض، بس أغلب الحكومات في العالم حتي حكومة فيتنام شغالة علي الموضوع دا من زمان، مش ناموا ناموا وصحيوا علي الأزمة لما موتت الناس.
اغبى شىء فى الكون انك تلاقى الشعب فى وادى والحكومه فى وادى
الحاجه عيشه هانم بنت الناس مش بس مش دريانه بالعمال لا
دى مش دراينه بالمؤهلات العليا كمان
الحاجه كانت طالعه من فتره مع عمرو اديب وبتشكك فى كلامه ان مافيش فرص عمل متوافره للمؤهلات العليا
وفضلت تعد له من الورق وهى فاتحه بؤها
فنى لحام فنى كهربا مهندسن مدنين وخد عندك لبقيه الصفحه مهندسن وفنين
ولا فى بالها الكليات النظريه الى طالع فيها عين الى خلفونا
واتحملنا فيها امراض الدكاتره النفسيه
فاعادى لما تبقى عايشه فى الغيبوبه بالنسبه للعمال
اما بقى للعيبه الزمالك
فا انا من موقعى هذا وانا زملكويه مقهوره
فا دول مش يستحقوا 6500
لا
دول يستحقوا ظرف زى بتاع السادات
انتاج عبود الزمر
وتنفيذ سيف الدين خالد الاسلامبولى
ازا كان خلف قبل ما يموت يعنى
تحياتى
طيب
أحنا متوقعين أيه
الحكومه المتخلفه رشت العمال بشهر مكافئه
الحكومه خايفه جدا من الشعب وده واضح جدا من تصرفاتها في الفتره الاخيره
المشكله أنها مش بتتصرف صح
بتتعامل مع الموضوع من وجهة نظر الامن وده غباء
والغباء في المرحله دي جريمه عقوبتها سقوط النظام
عموما
اذا أستمرت الحكومه في هذا المنوال
فالأنفجار قادم لا محاله
تحياتي
nody_1987
زماااااان كنت زملكاوي متعصب، بس خلاص خفيت الحمدللة وبطلت أشوف كورة خالص، والفضل لفريق الزمالك :)
وحلوة حكاية أمراض الدكاترة النفسية .... إلي هوا بصحيح لية لما الواحد بياخد دكتوراه بيتعبي عقد نفسية؟؟ مع إن غالبا الدكتوراه بتاعته بتبقي في اللب.
الشارد
أعتقد التصرفات من الناحية الأمنية مش مسئولية الوزير، لأن الوزراء عندنا لا بيهم ولا عليهم، هما مجرد منفذين مش مفكرين، يعني مفيش وزير بيقدر يخترع حل وينفذة، لازم يكون في تعليمات، والتعليمات متوافق عليها من الجهات الأمنية.
مع إن أنا شايف إن الشعب المصري بالذات مالوش أي خطورة أمنية علي النظام طالما راضع صح، ومغيرينله البامبرز ومشغلينله أغنية عاطفية، يبقي كل حاجة تمام ومش عايز حاجة تانية.
من رأيي ولا إنفجار ولا حاجة حتحصل، قبل ما النار توصل للديناميت، حيغيروا الحكومة، يقوم الشعب يتفائل خير ويستني الفرج، سنة وإتنين يزهقوا يروحوا مغيرين الحكومة يقوم الشعب متفائل ... وهكذا.
تحياتي ليك.
أنا أقترح يوقفوا الحاجة عيشة أدام مكن الغزل ويدوها 400 جنية في الشهر (مع شهر مكافأة برضوا) عقابا لها علي هذة التصريحات.
انا موافقه
الحاجه عيشه فقعت مرارتى تصدق بالله من كتر اللى بقيت اسمعه عن المحله زهقت وقفلت ودنى وغمضت عنيه بجد لانى مش عارفه الحقيقه فين وبما اننا مصرين فعمرك ما هتعرف الحقيقه ابدا
Appy
ولا يمكن تعرفي الحقيقة أبدا، ولو إتقالت أدامك، لأنوا ببساطة مبنثقش في أي حد ولا اي حزب. قوليلي إسم أي فرد ممكن تثقي في كلامة 70% حتي؟
هيا دي الهوة الواسعة إلي كل الشعب المصري واقع فيهان فمن السهل أوي تاخدية شمال بفكرة وترجعية يمين بفكرة تانيه. لأن مالوش مثل أعلي او حد بيثق فية ويتبعة.
عارفة، الحكومة بتاعتنا ممكن تكون كويسة وبتعمل حاجة أو ماشية علي خطة إصلاحية حقيقية، بس علشان في أزمة ثقه حادة، لو حلفولنا علي المصحف إن هوا دا صالحنا مش حنصدقهم، فتلاقي الحكومة رايحة حته والشعب رايح عكسها.
خيبة بعيد عنك.
إرسال تعليق